នៅយប់ថ្ងៃអាទិត្យ ៧រោច ខែផល្គុន ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែមីនា ឆ្នាំ២០២០ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងលោកជំទាវ បានអញ្ជើញជាអធិបតីភាពក្នុងពិធីបិទបុណ្យទន្លេ លើកទី៦ នៅខេត្តបាត់ដំបង ក្រោមប្រធានបទ ទន្លៃសន្តិភាព ទន្លេនៃវិបុលភាព នៅក្នុងពិធីនេះក៏មានការអញ្ជើញចូលរួមពី ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងលោកជំទាវ លោកអភិបាលរង នៃគណៈអភិបាលខេត្ត លោកអភិបាល នៃគណៈអភិបាលក្រុង ប្រធានមន្ទីរ អង្គភាព វិញជុំខេត្ត និងបងប្អូនប្រជាពលរដ្ឋជាច្រើនផងដែរ៕